| 二十一了...... 今個星期好多人生日，合共食咗三款蛋糕 今朝上MGT做team-building activities，晨早流流要做push up...... lunch o係宿宮心計撈飯 460唔駛上實在太好，但十二月要補堂，唔想要呀 依家又上MGT了，跟住傾pro...... |
| |
| 剛過去既星期發生咗好多事 發現自己其實係一個好情緒化既人，鍾意賭氣 極易受外在既野影響自己 我既EQ快D返o黎呀 |
| |
| 仲有一個星期九月就完了 時間過得好快，三年大學生涯亦就快結束，唔知有冇第四年既大學讀呢？ 一開學就勁多野做，勁多書要睇，好攰 下星期同一日有兩個test，依家努力地溫習中 o尋晚華連傾莊了 當其他莊員都落去lobby睇既時候，我選擇留o係房與MGT搏鬥 自從落莊後，已經甚少參加宿舍活動 其實宿舍活動係好開心既，但做好自己既事比較重要 我都覺得唔係咁好，下莊搞活動作為上莊都唔支持吓 o係宿舍十二點幾就訓，好奇怪嗎？ 但我想有正常既作息時間，好好應付第二日既事 本身都唔係一個咁active咁鍾意玩既人，玩崇慶、上莊，係想學習同改變一吓生活 但呢樣野經歷過就OK了，都係做一個摺人比較適合我 |
| |
| 返工尾二日 同事請我同師兄去公司樓下間酒樓lunch 聽日仲有今日冇出席既同事一齊食飯 唔使帶飯既兩日(三日先o岩，第一日食咗麥當當) 我同師兄請果汁同西餅做下午茶(好底呢，多謝一位同事既餅卡，upgrade咗做好味D既凍餅補咗幾十蚊，連果汁兩個人share，每人一百蚊都唔使) 今年既intern比上年既好得多 雖然都係冇乜野做，但今次起碼唔會冇人理 同事既年齡比上年既大，好多都係爸爸媽媽，同我有好多野講 最開心既係有一個以前係日本guide既同事，講咗好多日本野俾我聽(搞到我又好想去添...我一定會試吓自由行...) 上年俾同事話我唔夠主動，今年有進步了，有同事覺得我夠talkative(其實有D係扮出o黎啦，呢個社會就係咁，希望第時會習慣...我唔認為自己唔talkative，不過好睇同邊個，有D人實在令我同佢冇野好講，但相信都有朋友覺得我好多野講好嘈卦？！) programming唔係我鍾意做既野，但依家有D唔捨得呢份政府工 做完呢份intern後，終於有目標第時要做乜野工 發覺BBA唔多o岩我(唔係阿Q啦，好可能唔俾我再讀，但俾既話都想出o黎做野多D)，準備下年畢業搵工，我係engineer... 近期睇Last Friends(很out吧...但J2做唔使上網睇嘛...)，喜歡了juri 瑠可超型，同變態既野田妹好唔同 的確係唔使賣樣，有實力既演技派... 聽晚最後一集，睇完開開心心去旅行... |
| |
| 仲有八日工返 終於有少少成功感 四個tasks做完咗三個 雖然有個extra task搞唔掂要搵師兄幫手... 日日對住個visual basic program真係好痛苦 大量唔知佢做緊乜既code 所有完成既工作都係左抄右抄左貼右貼 幸好都做到 期待真正既暑假，８１５出發！ |
| |
